Misi d'ottobri... Celu scumminatu;
suli chi a chi v'annorba, a chi scumpari;
rivuturi di tempu lissiatu,
e rivuturi 'ntra li cori amari.
'Na viddanedda, p'unni è già zappatu,
cogghi l'alivi e cerca di cantari;
ma non havi valia, non havi ciatu,
pirchì stu tempu strammu fa strammari:
Misi di strammari', suspiri, o peni!
di peni leggi o forti, fàusi o veri...
Puru senza un pirchì, stritta è la gula.
S'annaculia ogni fogghia e si nni veni;
vannu 'ngiallennu ràsuli e custeri...
Passa, e si sperdi 'na rìnnina, sula...
Pasquale Salvatore.
ENTRATA D'INVERNO
Mese d'ottobre... Cielo scombinato;/ sole che or v'acceca, or scompare:/ sconvolgimenti di tempo annoiato/ e sconvolgimenti nei cuori amari/ Una villanella, per dove è già zappato/ raccoglie ulive e cerca di cantare/ ma non ha voglia, non ha fiato/ perchè questo tempo strambo rende strani/ Mese di stramberie, sospiri, o pene!/ di pene leggere o forti, false o vere.../ Pure senza un perchè, stretta è la gola./ Si dondola ogni foglia e si stacca;/ si vanno ingiallendo margini e cigli.../ Passa, e si disperde una rondine, sola...
Pasquale Salvatore.
Nessun commento:
Posta un commento