La vruca era un àrvulu grossu ed àutu comu la nuci, e facìa fruttu ed era sirvìbuli pi lignami. Quannu Giuda fici lu tradimentu, s'impicau giustu ad un àrvulu di vruca; ma pirchì Giuda era malidittu di Diu, l'àrvulu di la vruca siccau sutta botta e nn'arristaru a stentu li ràdichi. Di ddocu nni successi, ca di tannu 'n poi la vruca, 'n cànciu di nàsciri àrvulu, nasci a troffi, curta curta, torta e gruppusa, di la propria tagghia di Giuda; ed è un lignu ca nun servi a nenti, mancu pri camiari un furnu o fari 'na vampata 'ntra 'n cufuni.
FOTO 'a vruca (tamerice)
Nessun commento:
Posta un commento