Il poeta Angelo Rullini, ci delizia con la sua poesia sul Natale.
Natali è 'na luci
ca si perdi 'nto tempu
e allucia
l'arma mia di picciriddu.
'Na luci ca sa di ducizza
di friddu... tizzuna ardenti
vecchi pasturedda muti,
surgenti d'acqua 'duci
all'occhi mei ca curri
'nta finti muntagni
e nasci 'u Bamminu!
Nasci, ccu lu sancu d'innuccenti
ppi l'omu tristi e sulu
e nicuzzi abbannunati.
Nasci supra 'a puvirtà
ccu guerri e inganni
ccu' fami
tirrimoti e drammi
ccu chiantu 'i matri
e genti dispirata
misa, comu canni 'o ventu...
Nasci nuru
comu l'innuccenza dde' picciriddi
e li tristizzi umani
ccu' 'n gridu 'i gioia:
Nasciu 'u Bammineddu!
Angelo Rullini
Nessun commento:
Posta un commento