LUNTANU DA TO' TERRA - di Maria Agrippina Amantia

LUNTANU DA TO TERRA

Quannu vai luntanu da to terra,
se ti prisenti comu sicilianu,
subitu dannuti la manu,
nesci fora sempri dda parola.

Nuatri, semu tutti na famigghia,
la mafia e nostra madri
e nuatri semu li so figghia.

Minghia! sta cosa mi fa n'cazzari
certu ca ora l'ama finiri.

Allura cu tattu e ccu dilicatizza,
jiu, ci dumannu se dda nun c'e violenza.

Comu su furtunati! mii nun hannu latri!
nuddu ca robba, c'ammazza,
nenti, strati, strati.

Fannu sulu attenzioni a li pirati,
poi c'hannu tutti la super porta,
sulu accussì,capricciu, s'inni n'importa?

Signuri miei ma nun schirzamu!
dda si chiama n'trangheta, dda sacra curuna,
dda camorra, cancia sulu nome.

La sustanza resta,
a nostra è mafia e a vostra
dilinguenza.

maria agrippina amantia