LU GRIDU DI L'ARMA di Santo Grasso

Dei meravigliosi versi del poeta Santo Grasso:

“Lu gridu di l’arma”

Lu viju sempri ‘nta lu vicinatu
e sempri m’arrispunni a lu salutu:
è ‘nvecchiu trimulanti, pinsiunatu
ca oggi ‘un salutò, si stesi mutu.

M’avvicinai, e misu a lu so latu,
visti ca mischineddu, avìa chianciutu,
avìa lu sguardu persu, stracanciatu,
ci dissi: don Fulì, ca succidutu?

Dicitimi, chiffà v’hannu arrubbatu?
Cu ‘nfilu ‘i vuci e l’animu firutu,
mi dissi: sì, haviti ‘nduvinatu;

avìa ‘na cosa ch’aju sempri avutu
e cu mi l’arrubbò, si chiama Statu...
è la me dignità, l’hatu caputu?

tribàLe