TI LU SCURDASTI di Giuseppe Nicolosi Scandurra

TI LI SCURDASTI

Ti li scurdasti ddi jurnati beddi
di quannu stavi sempri attagghiu a mia,
ju ca scirvava 'ntra la diminia
e tu facevi l'erva a li viteddi?

E poi, la carusanza ni facia
di jri assicutannu cicaleddi
e tanti voti 'n cima a li cardeddi
ju 'n'acchiappava e poi li dava a tia.

Ti lu scurdasti quannu ni nni jeunu
sutta l'oliva accantu li sipali!
Quantu jochi sinceri ni faceumu?

Ma dimmi bedda cchi tortu ti fici?
Di lu me beni. tu m'arrenni mali,
era filici e addivintai 'nfilici.

Giuseppe Nicolosi Scandurra.