PROVERBI SUPRA 'A ZAPPA - Armando Carruba -

PRUVERBI SUPRA 'A ZAPPA

Jttàrisi 'a zappa 'ntè peri
(Si dice di chi, nel tentativo di nuocere agli altri, nuoce a se stesso)

Zappa Martinu sutta 'a maccia ddo' piru
(E' rivolto a chi ripete sempre le stesse cose)

Cu' zappa 'a sa vigna
si bona 'a zappa
bona sa' vinnigna
(E' valido in tutti i sensi)

Ahi, zappa traditura
cu lu nomi ti canciasti 'n matacona
(Si dice di chi fugge una difficoltà e se la ritrova davanti sotto falso nome)

Cu zappa vivi acqua

e ccu futti vivi 'ntà vutti

...

QUANDO SEI NATA? LO SAI A CHE ORA? di Armando Carruba

Carissimi amici buongiorno! Stamatina vaju a diri 'na cosa ca si nun va dicu moru!!! Stamatina adduma a TV e chi cumpari? 'ma majara - ora attrezzata con un computer portatile - ca sparava minkiate supra minkiate. Tu mi pò diri: "A tia cchi ti nni futti?" Nenti ! ognunu è libero di farisi futtiri i sordi comu voli, ma a tutto c'è un però. 
Arrivavanu i telefonati, c'era chidda che vuleva sapiri dill'AMORE! Quanti anni hai? (si ssi maga anzettulu no?) 40... sposata, fidanzata, cos'altro? (ma chi maga sì mancu chistu sai?) chidda ca havi na situazioni rispunni "sugnu accumpagnata e mi lassò torna?" e docu comincianu i minkionati: "Vidi a tia tutti ti vonu e tu ha canciari ma ccà nun tu pozzu diri veni 'no me' studiu etc etc
Chiddu ca nun mi sta beni, quannu una chiama ppi saluti ccu problema - a ditta sò - seriu, e idda inveci di dirici di iri 'ntò dutturi ci dici che la medicina nun ci trasi e se 'a trasiri... NELLA PORTA DEL SUO STUDIO!
Certo è per fare i programmi in TV vuol dire ca c'è genti ca c'ammucca...
Ammucca fissa ca 'a machina passa Aufridersenne 

VUCI 'I STRATA di Armando Carruba

VUCI 'I STRATA

CHIDDU DDA' MINNULATA

Stamatina mi vinni 'u desideriu 'i 'na granita (ca quannu mai ju?) e inveci quannu veni... veni e nun aspetta a nuddu, ma non di ddà granita ddo' bar NOOO chidda di quannu passava 'a lapa cche' graniti (prima era un carruttu a manu) friscata ma mancu don Cuncettu bonarma e vanniata particolare ca ancora m'arricordu:
particolare che ancora ricordo: OHEEE MINNULATA CHE BIELLAAA,,, MINNULOLE ! MINNULATA CCHE BIELLA MINNULATA CHE BIELLA... MINNULOLE... e docu un pugnu i carusitti supra a lapa ccu cazzaruleddi, bicchieri, tazza ppo' latti etc... E iddu, 'n omu autu si e no un metru e menzu ccu tutta a lazzata, a spartiri cu 'na velocità ca mancu u razzu 'ntò luna, graniti e panini (a manuzza i briosci nun c'eranu).
'A granita l'avevanu tutti, macari ddi picciriddi senza sordi... nun c'ha negava a nuddu, cco' Signuri veru c'ha renni! anticchia i granita cc'ha mitteva! Poi nautru coppu 'i frischittu e parteva da via Tripuli jennu Sarausa Sarausaaccumpagnatu dde' picciriddi ca ci currevanu appressu sinu a cantunera... OHE' MINNULATA CHE BIELLA MINNULOLI! MINNULATA CHE BIELLA MINNULATA CHE BIELLA... MINNULOLE... riordi i picciriddu...

FOTO . via Tripoli Siracusa

VUCI 'I STRATA di Armando Carruba

Sarausa, anni 1940/50, 'i sira in Ortigia in via del Labirinto, quannu 'u ventu assicuta pinzeri ntè viculi è comu s'ascutassimu 'na vuci luntana ca joca ammuccia ammuccia di cantunera a cantunera "'U LUPP - I - NARU!".
Erunu chiddi l'ammi quannu Minicu cco' sò èanaru chinu i luppina, tagghiava sutta 'u ventu e l'acqua i vaneddi d'Ortigia.
Parrava picca, purtava 'na palandrana niura e longa, e 'nu cappeddu calatu 'ntà l'occhi.
Nisceva 'i sira tardu a vinniri i lupini, trasennu e niscennu ntè cantini unni truvava cu accattava.
Putemu diri ca Minucu era figghiu ddo' ventu d'Ortigia, forsi iddu stissu ventu quannu vanniava. 
Macari oggi, 'ntè sirati 'o Labirintu, quannu u ventu isa 'u pruvulazzu, pò sentiri 'na vuci ca fa pinzari... Minicu: 'U LUPP - I - NARU !

NUN TI LASSU SARAUSA di Armando Carruba

Sarausa mia, scogghiu anticu
ca li me' sonni teni 'nta 'n casciolu,
nun diri a lu ventu ca, di nicu,
avissi pigghiatu 'u trenu a volu.
Pi jiri unni, poi, m''u sai diri?
a travagghiari luntanu a' stranìa,
e cu lu cori sempri a suffriri
cuntannu peni, pinzannu a tia...
Megghiu pani duru a la me' casa
'nta 'sta citati ca mi vitti nicu;
megghiu vasuna di la me' carusa
ca stari sutta 'n celu nimicu.
E si 'n jiornu mi vinni 'stu pinzeru,
di partiri pi unni veni veni,
trascuranza nun fu, a diri 'u veru,
pirchì haju a tia 'nt''e me' vini.
Ti amu, duci, bedda Sarausa,
mi piaci lu to' celu, lu to' mari,
lu portu, Ortigia e ogni cosa,
pirchì si' rara, ca ti fai talìari.
Ma si distinu vo' ca n'hamu a jiri
purtannu lu ciauru di sta terra,
lu dìsiu è chiddu di turnari,
pirchì nun c'è città ca t'assumigghia.

NON TI LASCIO, SIRACUSA - Siracusa mia, scoglio anrico, che i miei sogni tieni in un cassetto, non dire al vento che da giovane avrei preso un treno a volo! Per andare dove, dimmelo? a lavorare lontano, in terra straniera, con la sofferenza in cuore, a raccontarmi le mie pene pensandoti. Meglio pane duro a casa mia, in questa città che mi ha visto piccolo; meglio baci della mia ragazza che stare sotto un cielo nemico. E se un giorno mi è venuto il pensiero di partire, non fu per farti offesa, per andare dove capita capita, perchè ti ho nelle mie vene. Ti amo, dolce e bella Siracusa, mi piace il tuo cielo, il tuo mare, il porto, Ortigia e ogni cosa, perchè sei bella, tanto che ti fai guardare. Ma se il destino vuole che dobbiamo partire, portandoci l'odore di questa terra, il desiderio è quello di ritornare perchè non c'è città che ti somigli.

VUCI 'I STRATA di Armando Carruba

VUCI DI STRATA

CHIDDU DDO' GHIACCIU

Quann'eru nicu a me' casa, comu 'ntà tutti i casi non esisteva frigorifero ma 'a ghiaccera, ppi teniri 'o friscu l'acqua, aranciata fatta cche' bustini, a robba 'i manciari etc. e 'ntò quarteri vineva all'orariu precisu comu 'nu 'rologgiu svizzero, chiddu ddo' ghiaccio.
'A vanniatina era "C'è chiddu ddo' ghiacciu! Accattativi 'u ghiacciu!" accussì vanniava mentri i clienti 'scevunu dde' casi ccu' cazzaroli, pignati, tegami capienti etc. Chiddu ddo' ghiacciu, ca puttava un longu mantali impermeabili e stivali i umma, ccu 'n pezzu di ferru a uncinu, staccava dai blocchi di ghiaccio il pezzo richiesto, mentre i scagghi schizzavanu di cca' e di dda' e nuautri picciriddi era allappa allappa e ni mangiavumu mittennu a dura prova i denti.

PROVERBIO armando carruba

E' veru
ca quattr'occhi janu vista
ma quantu è bedda
l'aiutu di costa

E' vero che quattro occhi vedono meglio
ma quanto vale
un aiuto sulla strada in salita!

MESTIERI DI UNA VOLTA di Armando Carruba

MISTERI 'I 'NA VOTA

'U CAFITTERI

'Sta fiura 'a prima vota 'ncutrai quannu misu 'ntò cast dei NAVARRA di Vanni Pucci, prima ca si rapeva 'u sipariu si sinteva 'na vuci "Cafèèè cche' jornu!!!" Era 'u cafitteri, chiddu ca vinneva 'u cafè ppi strata, propriu di prima matina a ddi passanti c'ancuntrava.
Purtava 'ntò vrazzu sinistru un paneri ccu dui o tri tazzi, altrettanti cucchiarini e sigari fatti cche' pampini ddo' cavulu, mentri ccà manu 'n apparecchiu ca faceva da furneddu e caffittera, ca c'era un liquidu scuru 'u cafè consistenti da un infuso di orzu abbrustulitu.
Ccu vuci vascia appena si truvava vicinu a unu, vanniava: Cafitteri! Va pigghiativi 'u cafè!
Certuni, ancora pigghiati ddo' sonnu dumannavunu: 'N sordu 'i cafè!
'U cafitteri 'nta 'na tazzina passata per centinaia di mussa, versava il liquido e l'offriva 'o clienti, ca vivutu ccu piaciri e accattannu macari u sugarru ssi nni jeva tranquillu e soddisfattu.

armando carruba

SITI D'AMURI Armando Carruba

Vinni 'a sira a Marina
aria frisca di cunti e risati
assittati 'ntè spadderi
ddé sidila 'i ferru.
'A sira purtò a Marina
ristoru dopu 'u travagghiu
spiranzi d'amuri
attaccati 'ntà cuda ddà cumeta.
Vinni 'a sira a Marina,
e li matri chiamaru i figghi
li varchi nisceru alluciari u mari
'a francisa ririu 'ntà sira
'u mari s'annacò.
Vinni 'a sira 'a Marina,
e 'i me' pinzeri
si visteru a festa
lassannu postu
a fantasia 'i carusu.

Armando Carruba

SCINNI 'NCRAVACCA - Armando Carruba -

SCINNI 'NCRAVACCA
Si ripeteva questa filastrocca, durante il gioco fatto da maschi. Un ragazzo si poggiava con le spalle al muro, mentre due o tre con la schiena piegata in avanti si tenevano l'un l'altro, per permettere agli altri di salire sopra le loro schiene, fino a quando, per la pesantezza, non cascavano tutti a terra.

E tulì tulì
setti fimmini e 'n tarì
lu tarì ca è troppu pocu
setti fimmini e nu curcopu
lu curcopu ca è troppu duci
setti fimmini e 'na nuci
e la nuci ca è troppu dura
setti fimmini e 'na mula
e la mula ca jetta cauci
setti fimmini e 'na fauci
e la fauci ca metti lu linu
setti fimmini e 'n parrinu
lu parrinu ca dici la Missa
setti fimmini e 'na Batissa
la Batissa ca fa la scola
e la fa a li picciriddi
i picciriddi janu fami
e si ni vanu 'ntò mulinaru
u mulinaru nunn'avi farina
e si nni vanu ntà jaddina
a jaddina furria furria
fici 'n ovu quantu a tia
quantu a tia nun lu potti fari
e lu fici quantu 'n cani

E tulì tulì/ sette donne e un tarì/ il tarì è troppo poco/ sette donne e un'albicocca/ l'albicocca è troppo dolce/ sette donne e una noce/ e la noce è troppo dura/ sette donne e una mula/ e la mula tira calci/ sette donne e una falce/ e la falce miete lino/ sette done e un prete/ il prete dice la messa/ sette donne e una badessa/ la badessa insegna/ e insegna ai bambini/ i bambini hanno fame/ e se ne vanno dal mulinaro/ il mulinaro non ha farina/ e se ne vanno dalla gallina/ la gallina gira gira/ fece un uovo grande quanto te/ quanto te non potè farlo/ e lo fece quanto un cane.

PROVERBIO SICILIANO armando carruba

LA LIMOSINA E' LICCA,
CU LA TASTA S'ADDICCA

Chi s'avvezza a viver d'elemosina, non lavora più.

LINZOLA di Armando Carruba

Stinnuti 'ntè curdini,
linzola 'o ventu d'austu
janchi comu 'a cuscenza,
netta ddi ccu travagghia
jornu doppu jornu
pp'ammuttari 'a vita

Comu banneri 'o ventu
ca svintulìanu 'ntà l'aria
'ntà 'stu quarteri
ca si susi 'a matina 
cco' cantu ddo' jaddu 
rirennu 'o jornu novu

Armando Carruba (19.8.2015)

DETTO SICILIANO

DURU CCU DURU NUN FABBRICA MURU

Duro con duro non fa buon muro

Caro amico ti scrivo... armando carruba

Carissimi amici, durante le pennichelle pomeridiane, mi sono accorto che qualcosa mancava e manca a conciliare il sonno... Ma chi è... ma chi nun è... alla fine ho sbottato macari ju in Evoreca! che vuol dire eureka! Manca lo zichi zichi dde' cicali ca 'na vota ppi tutta l'estate si mittevunu dda' matina a sira a violino zitano ed adesso si vede sono migrate pure loro clandestinamente verso altri continenti... E a mia ccu me lo concilia il sonno? voglio lo zichi zichi...

DETTO SICILIANO armando carruba

A CIUMI SURDU NUN CI JIRI A PISCARI

(cioè non aver che fare con gli uomini cupi: da fiume ammutito, fuggi)

Buon compleanno CONCETTINA - armando carruba -

CUNCITTINA

Amuri sempri amuri dunasti
'ntà vita mai tu ti risparmiasti
oi nun ci ssì ed è 'a tò festa
di tia sulu nu ricordu resta
un ciuri misu 'ntà futugrafia
e amuri datu a chicchisia
Auguri cucina auguri
Buon compleannu di tuttu cori
Grazii ppi li tò granni insignamenti
Aiutanu agghiri sempri avanti.

(17/8/1930 - 22/5/1995)

'A MATALOTTA SARAUSANA di Giuseppe Barbagallo

Bravissimo il poeta siracusano Pippo Barbagallo che ci spiega la preparazione della matalotta aretusea

A MATALOTTA SARAUSANA.

Quattru su i cavaleri ri l'apocalissi,
quattru i sapuri pi fari la ghiotta
chista a rizzetta ca me nanna scrissi
e la chiamò ri nomu:matalotta.

Ri puddisini'npocu atà pigghiari,
ri 'na tistuzza poi dù spicchia r'agghiu,
a chiapparedda chidda nnà mancari
e assemi o pummaroru'npocu r'ogghiu.

'Ntianeddu i crita ora mittiti
l'ogghiu, u puddusinu, l'agghiu e a chiapparedda;
mentri ufocu lentu poi la suffriiti,
arriminannu tuttu cu na cucchiaredda.

E quannu l'agghia addivintaru r'oru
alleggiu alleggiu iuncitici u pummaroru,
e mentri chistu coci 'nda tirrina
priparati quattru pezzi ri tunnina.

Ri sali ni mittiti guantu basta,
mentri c'appatti priparati a pasta
e la tinnina a cocir ndo ntrugghiu

Pronta è la pasta 'nda tavula puttata
cu dda gran matalotta arriminata;
l'uttimu coppu mittemu 'ncucchiarinu
di lu nostru fummaggiu picurinu.

Sa dittu sempri co megghiu sapuri
è chiddu aruci aruci di l'amuri
ma ravanti a 'npiattu ri sta sotta:
lassu l'amurie pigghiu a matalotta..

PIPPO BARBAGALLO.

ACCUSSI' E' armando carruba

Buongiorno! prendendo in mano un vecchio libro di scuola di mio padre, mi domando perchè non ripropongono il dialetto nelle scuole. Non quel dialetto cattedratico del tipo: "Questa parola viene dal latino o arabo o francese etc etc " ma com'è nel libro, dai cunti popolari che si perdono, dalla spiegazione di parole frasi etc. sarebbe bello. A volte a sentire una frase, tutti sappiamo il significato, ma la provenienza ?

AI TEMPI DDE' CANONICI 'I LIGNU
(Canonico di legno era quel sistema che sostituiva i cuscinetti nei carretti quando quest'ultimi non erano stati inventati... quindi ai tempi antichi)

NNI VOLI CENTU DDA' MAJORCA
(A Majorca è quella farina bedda pura ca di megghiu nun cci n'è, quindi chi ne vuole cento, vuole ragione a tutti i costi)

Sarebbe bello riproporre il dialetto nelle scuole...

FIGGHIU DO PICCATU di Giovanni Rizza

Poesia premiata al primo posto del V° concorso S. Antonio Abate.
di Barcellona Pozzo di Gotto

FIGGHIU DO PICCATU
di Giovanni Rizza Poeta Dialettale

Chiamatu sugnu figghiu do piccatu
dda matri…non desi latti, e amuri,
‘nta rota, senza nomu m’ha lassatu,
senza sentiri ‘n rimorsu e duluri.

Matri ! Non pozzu a palora sintiri,
quannu a sentu si grapi ‘na firita
ca non si sana mai e non po’ guariri,
‘na chiaia ca portu pi tutta a vita.

Senza patri, e matri, sugnu schidatu,
di dui, senza cori, sugnu l’avanzu,
de cumpagni bastardu eru chiamatu
‘nto culleggiu quann’era ura di pranzu.

Ognunu, ‘na matri aveva di vasari,
quannu pi Natali era u mumentu,
di chistu mai ci puteva spirari
n’appartineva a mia ‘stu sintimentu.

‘Nta facci non ebbi mai ‘na carizza,
sulu ‘n vecchiu giucattulu jttatu,
mi dava a mia ddu pocu d’allicrizza
comu ‘na riliquia era di mia usatu.

Lacrimi cci n’aveva d’asciugari
nicu, ‘ntisi, ddu troppu miu suffriri
di dd’affettu, ca jeva, a mia a mancari,
ca sacrusantu vuleva aviri.

Ddi ssa pisanti cruci portu u pisu
l’anni passaru e si ficiriru stanchi,
ssu pinzeri d’incoddu l’haju misu,
‘nta testa mia che sò capiddi janchi.

‘Nto cori ‘na gioia sula mi pigghiu,
ca mi duna ‘na granni cuntintizza,
du vuliri beni di muggheri, e figghiu,
e dda niputedda ca è ‘na biddizza.

CANTO POPOLARE

Ss' janca e russa
comu lu ranatu
jaira e duci comu la lumìa
ma ju ppì tia patiraju li peni
palumma senza feli
tu sula penzi a mia
ma ju ppì tia patiraju a vita
palumma sapurita
tu sula penzi a mia.

(POPOLARE)

Sei bianca e rossa
come il melograno
aspra e dolce come il limone
ma io per te patirò le pene
colomba senza fiele
tu sola pensi a me
ma io per te sacrificherò la vita
colomba simpatica
tu sola pensi a me.

STIDDI CADENTI di Giuseppe Denaro (Turneddu)

STIDDI CADENTI
(Ntra na siritina d'Austu)

Di notti, austu, di lu firmamentu,
apri li catarrati, e a li viventi,
ci manna di li stiddi, a centu a centu,
argintati faiddi risplinnenti.

Sfricianu pi lu celu, in un mumentu,
come saitti o luciti sirpenti...
Su' fiacculi divini tutti argentu
o luminusi gemmi d'orienti?

Cadunu forsi 'ntra l'abbissi scuri,
lassannu argentu in luminusa scia,
l'Angili ribbillusi a lu Signuri?

L'urtimi frecci su' ca Giovi invia?
Su' fulmini pi l'omu tradituri,
o su' lacrimi ardenti di Maria?

Giuseppe DENARO (Turneddu)

MODI DI DIRE SUL SOLE - armando carruba

MODI DI DIRE SUL SOLE

Sono "modi 'i diri" molto chiari: ogni cosa a so' tempu. Se li rivolgevano i condatini quannu a durata dda' jurnata 'i travagghiu non era secondo i moderni canoni, ma secunnu chiddi solari, cioè ccuminciava 'o matinu, col sorgere del sole, e terminava al tramonto

Quannu 'u suli èggh jola-jola
veni 'u massaru cca' bruscalora
(quando il sole, alto nel cielo, illuminava i sentieri, era molto presto e bisognava lavorare di buona lena, perchè il massaro era all'erta)

Quannu 'u suli è mura mura
travagghia, curnutu, c'ancora è ddavura
(Quando il sole, quasi al termine del suo corso, illuminava la parte alta dei muri a secco, era presto "ppi luvari manu")

Quannu 'u suli è 'ntinni-'ntinni
chista è l'ura ri jraninni
(Quando, poi, l'ombra sommergeva i muri e s'inerpicava sugli alberi, inseguendo la luce del sole che si ritraeva sulle antenne, le cime più alte degli alberi, allora la faticosa giornata stava, finalmente, per concludersi e il buon villano si preparava a tornare "alla sua parca mensa" cantando:

- Nun vidu l'ura ca lu suli codda,
quantu appiju lu piettu a la majdda
(per mangiare, a bocca di madia, le lasagne al sugo)

L'OMU di Nino Martoglio

L'omu

( parra la fimmina )

L'omu è chiù bruttu di la zazzamita,
chiù leggiu di la negghia e la cumeta,
svinturata cu ' è ca sì marita,
passa sett'anni di mala praneta!

Si non travàgghia e fa lu sfacinnatu,
Pigghia qualunqui viziu ben pulitu,
lu jocu l'arriduci senza ciatu,
ti sbinni anchi l'aneddi di lu jtu.

S'è puvireddu e tu porti munita,
di prima ci fa fari ' n'abbulata,
da poi, quannu non c'è di fari vita,
ti lassa dintra, nuda e scunsulata.

S ' è riccu e t'ha pigghiatu senza doti,
ti tratta peju assai di li criati,
e suddu ti lamenti, abbenuoti,
macari po ' scippari vastunati.

Si ccu lu giniusu ti mariti
li torti ti li fa senza cuntati,
e siddu si ' gilusa, o vi spartiti,
o campi comu l'animi addannati.

Si ti lu pigghi bruttu e ' nnamuratu,
la bedda libirtà ti l'ha ' vinnutu,
ti sta a li costi, comu un tiraciatu,
gilusu, diffidenti e privinutu!

Suddu t'ammatti di l'analfabeti
o puramenti di l'arripudduti,
li to' biddizzi s' hannu a stari muti.

Si ti lu pigghi nobili o ' struitu
vestiti bona e parrici malatu,
pirchì s ' annunca è certu e garintitu
ca doppu un misi s ' ha spuitizzatu!

In concrusioni, l'omu è scialaratu,
avi pri cori un pezzu di granitu,
babba cu ' è ca pri canciari statu
di ssu nnimoniu nni fa lu maritu.

Perciò, fimmini mei ca m'ascutati,
o beddi o brutti, o ricchi o senza doti,
è megghiu assai ca non vi maritati
e vi faciti tutti batioti.

Nino Martoglio

BUONASERA....

... E a fini misi, fanu 62 anni da quannu chiangìu 'a Madunnuzza bedda di Sarausa. Sissantadui anni; eru picciriddu e vitti unu di tuttu, comu tutti i picciriddi ca jucavumu strati strati. Riordu 'a fudda, nuautri carusi ca vinnevumu 'u cuttuni. Avevumu 'na federa di cuscinu e di intra pacchi di cuttuni ca vinnevumu a 50 liri l'unu. L'haju vistu ddì lacrimi... Sugnu divotu 'a Madonnina, a Sarausa quannu 'na cosa è dritta e l'autra storta, dicemu: "nun 'mmiscamu sauri e opi" ca ssu ddu' qualità di pisci ca pur avennu quasi u stissu prezzu ssu diversi.
A Sarausa 'a Madonnuzza ha chianciutu pappiddaveru, a Sarausa c'è statu un patri Brunu - santu parrinu - ca binidicìu i sposi proprietari ddo' quadrettu, ca s'ha saputu moviri. U quatru ha statu smuntatu tuttu, i lacrimi analizzati da valenti dutturi e a capu dda cummissioni un medicu ateo ca tali ristò anche dopo avere affermatu che eranu lacrimi umani. A Sarausa i proprietari Angelo Iannuso e Antonietta Giusto, hanno sempre evitato d'apparire in televisione e si son viste pochissime volte quasi portate a forza... al contrario di certi personaggi che da un pò di tempo a questa parte sempre presenti...
Si pò cridiri o no, ma a Sarausa, sessantadui anni fa, nun si sa pirchì e ppi comu... 'a Madunnina chiancìu...

PROVERBIO - armando carruba -

Omu bonu si sgarra nun si scusa,
anzi è lu primu chi si stissu accusa

MADUNNUZZA CA CHIANCISTI A SARAUSA di Armando Carruba

MADUNNUZZA CA CHIANCISTI A SARAUSA

Era u' 1953 quannu ha chianciutu a Madunnina; un quatru di jissu accattatu o' rittifilu (Corso Umberto I) ppi 3.500 liri 'ntò signor Floresta, ppi 'ssiri 'rrialatu a Angilu Iannusu e Nina Giustu ca si spusavanu o' Pantheon 'u 21 marzu 1953.
La sira ddo' 28 austu, Angilu e Antunina ssi nni jeru a vidiri un film all'Arena Progresso, ca si truvava vicinu casa quasi attagghiu 'o passaggiu a liveddu da via Bonriposo (via Piave).
Turnati a casa dopu c'avianu manciatu un muzzicuni si nni jeru a curcari.
Versu i tri di notti, Antunina si 'ntisi mali, era sabbatu, Angilu ssi nn'hav'agghiri 'a puzzu 'ngigneri (Piazzale Marconi) ppi putiri travagghiari; a so' casa lassa a so' cugnata ppi farici cumpagnia a mugghieri ca già si sinteva mali.
U restu è cosa saputa! tanti omini... tanti personaggi abballanu 'nta storia da Madonnina: da patri Brunu parrucu ddo' Pantheon, all'arciviscuvu Baranzini, dda famigghia Lucca ca metti a disposizioni u villinu di faccia casa Iannusu ppi sicurezza ddo' quatru, 'o tinenti culunellu dde' carrabbineri Lazzaru Panatu responsabili dda' sicurezza ddo' quatru 'ntò tragittu via degli Orti ccu piazza Euripidi, e poi i duttura ca hanu analizzatu 'sti lacrimi: Roberto Bertin analista della Squibb, Mariu Marletta ca era medicu pruvinciali omu religiosissimo e so' mugghieri macari, Francesco Cotzia ca furriava Sarausa Sarausa a cavaddu di 'na motu americana, Leopoldo La Rosa, e u capu dda' commissione medica u dutturi Micheli Cassola, esempiu di omu onestu e positivu!
Era ateo u dutturi Cassola e ateo ristò dopu ca dissi che i lacrimi dda' Madunnina eranu veri.
Eccu, 'sti quattri versi ssu dedicati all'omu Cassola, ca nun haju mai canusciutu, ca 'ntò 1973 ppi Pasqua, vasannu u reliquariu dda Madunnina caci purtò mons. Migliorisi, muriu mentri i campani sunavunu 'a gioia dda' Resurrezioni.

Ascutati ccu voli ascutari
pristatimi anticchia d'attinzioni
a Sarausa successi st'eventu
dda' Madonna vi cuntu lu chiantu

Un quatru di jssu arrialatu
ad Antonina Giustu e maritu
'u Cori Mmaculatu di Maria,
lu vintinovi austu chiancìa.

Ddu jornu propriu di primu matinu
lu Angilu Iannusu si suseva
ca si nun jeva 'a puzzu 'ngignieri
nun truvava nenti 'i travagghiari

cchi ni sapeva 'stu travagghiaturi
zoccu capitava 'a la mugghieri
ca la lassò a casa cché duluri
dopu 'na nuttata di piniari.

Ccu idda c'era Razia la cugnata
e macari la sò zia Sgarlata
quannu taliannu supra di lu lettu
lacrimi scinnianu 'ntà l'asciuttu.

Era la Madunnina ca chianceva
e idda mai mai ci crideva
pirchissu a li ddu donni dumannò
su era veru oppuri sunnò.

Angilu turnannu i travagghiari
dopu 'na jurnata di suduri
quannu fu juntu all'aviazioni
lu firmò un parenti ppi parrari

e ci dissi: "Angilu nun ti scantari
ca na nutizia t'haju a dari
dopu ca ti nni jsti stamatina
lacrimò 'u quatru ddà Madunnina"

Intisi firriarisi 'a mirudda
quannu visti asò casa ddà fudda
ci dumannò lestu 'o brigaderi
di fari sciri fora li cristiani

Intantu la notizia di lu chiantu
fici u giru 'i tuttu u munnu
u Cori Mmacculatu di Maria,
miraculi a genti già facìa!

Lu primu sittembri ddò cinquantatrì
all'unnici i matina martedì
na cummissioni medica valenti
liquido pigghiò ddò quatru chiancenti.

Tra li duttura esaminatori
c'è macari ccu a Diu nun cridi
era l'onestu medicu Cassola
dissi ca veru ccò quatru chianceva

e a ccù ci spiò comu puteva
nun cridiri ma intantu dichiarava
la viritati supra 'stu gran chiantu
iddu rispunnìu 'nta mumentu

Nun è giustu ammatula parrari
lu fausu, ma la virità diri
ju mi trovu 'ntà muru senza porta
cridu sulu all'attu di la scenza.

Lu sabatu santu ddò sittantatrì
fu nu gran jornu e ti dicu pirchì
lu Cassola dopu tantu piniari
l'anima a Diu jeva a dari...

e la sò porta la truvò aperta
ca Diu a tutti pari aspetta
lu dutturi fineva di campari
a Pasqua ccò sonu dde' campani.

Ccu l'aiutu di li devoti tutti
nichi, granni, vecchi e picciriddi
nu Santuariu fu realizzatu
ora è ddà da tutti ammiratu.

La sira è lucenti 'ntò celu
la Madunuzza cu lu beddu velu
ca la fici lu mastru Caldarella
'o scuru brilla cchiù d'una stidda

Pirchì chiancisti Madunnuzza bedda
a via degli Orti 'ntà ddà casudda?
pirchì chiancisti Cori Mmaculatu?
dimmillu lu pirchì hai chianciutu.

Armando Carruba

MARI di Caterina Daniele

MARI
Cu l'ali d'oru di la fantasia 
l'anima vola taliannu 'stu mari,
e l'unna plàcida viaggia cu mìa:
ad àutri lòchi mi voli purtari!

Va e veni liggèra, senza lintari ,
carizza la spunna, si murmurìa;
'sà quantu cosi mi voli cuntàri,
cu tanta grazia, cu tanta puisìa!

L'occhiu si perdi e pari ca luntanu,
'nna 'st'armunia,di l'azzurru, 'nfinita,
celu e mari si dàssiru la manu,
pi cantari la gioia di la vita !

O mari, chi 'ncantu ! Si 'na biddizza!...
Sempri accussì lu cori ti vurrìa:
ca cu 'sta duci, sincera carizza
a tutti banni purtassi alligrìa!

Ma quannu, di buttu, canci culuri,
nun canti cchiù la tò duci canzuna ,
e penzi di fari lu tradituri ,
cu la tò furia e li tò cavalluna ,

allura assimigghi a certi pirsuni
ca mentri 'mmucca hannu sempri lu meli ,
'nna lu caruzzu cci tennu 'na 'gnuni
d'unni arripostanu e schizzanu feli !....

Caterina Daniele

Traduzione:

MARE
Con le ali d'oro della fantasia
l'anima vola guardando questo mare,
e l'onda placida viaggia con me:
in altri luoghi mi vuol portare!

Va e viene leggera,senza smettere,
accarezza le sponde,mormora;
chissà quante cose mi vuol raccontare,
con tanta grazia,con tanta poesia!

L'occhio si perde e sembra che lontano,
in questa armonia,di azzurro,infinita,
cielo e mare si donassero la mano,
per cantare la gioia della vita!

O mare,che incanto! Sei una bellezza!..
Sempre,così il cuore ti vorrebbe:
che questa dolce,sincera carezza
dappertutto portassi allegria!

Ma quando,all'improvviso,cambi colore,
non canti più la tua dolce canzone,
e pensi di fare il traditore,
con la tua furia ed i tuoi cavalloni,

allora,assomigli a certe persone
che,mentre in bocca hanno sempre il miele,
al calduccio tengono in un angolo
un ripostiglio che schizza il fiele!...

LU SPUNSALIZIO DI LI CIVITOTI di G. Borrello

LU SPUNSALIZIO DI LI CIVITOTI
di G. Borrello

Lu zitu discinnìa
di rera e riritoria
di sardàra ligitimi,
e tra li giuvinotti
di tutta la marina di Catania,
passava pri smargiazzu arrispittatu.
Infatti av'a pigghiatu
deci unzi di cuntanti
la robba a otto a otto
sparti di lu vistutu di jurnata;
secunnu la minutula
e di la parti so,
parrannu ccu li termini adatti
avia dui varchi armati,
e una muciara.

MATRIMONIU - 'A CUNZATA DDO' LETTU

La cunzata do' lettu è un'usanza ancora oggi in voga in Sicilia che si fa una settimana prima del matrimonio. Due giovinette vergini di circa 12-13 anni, scelte dagli sposi, prepareranno il letto una da una parte e una dall'altra con lenzuola rigorosamente bianche e preziose, con pizzi ecc, che non possono essere toccate da donne già sposate e/o anziane. Così sotto l'occhio di mamma, suocera, zie ecc le due ragazze cunzano il letto che ospiterà gli sposi per la loro prima notte di nozze.
E' di rigore inoltre, preparare sul letto, sui comodini e quant'altro dei disegni fatti con i confetti, formando dei cuori o le iniziali degli sposi.
E' fondamentale e importante che nessuno dei due sposi entri nella stanza e veda il letto dopo che questo è stato preparato, perchè dovranno vederlo solo dopo le nozze.
Gli uomini sono invitati alla cunzata solo che non possono essere presenti in stanza, ma restano in soggiorno insieme agli sposi. Finita la preparazione, vi è un rinfresco offerto dalle famiglie degli sposi.

CANZUNI D'AMURI PUPULARI

Bedda ca la duminica ssi fata
lu luni na ddia di pararisu
lu marti si 'n angila 'nfatata
lu mercuri straluci lu tò visu
lu joviri ssi 'na lucenti spata
lu venniri si tutta festa e risa
lu sabbatu ca è l'urtima jurnata
muremu
e ni ni jemu 'n pararisu

Bella che la domenica sei una fata/ il lunedì una dea del paradiso/ il martedì sei un angelo fatato/ il mercoledì brilla il tuo viso/ il giovedì sei una lucente spada/ il venerdì sei tutta festa e risate/ il sabato che è l'ultima giornata/ moriamo/ e ce ne andiamo in paradiso

(popolare)

SE JIU FUSSI LU MASCULU di Maria Agrippina Amantia

SE JIU FUSSI LU MASCULU.

Ogni riferimento é puramente casuale, credetemi l'ho scritta un paio d'anni fa!

se jiu fussi lu masculu
e tu fussi l'amuri
ti purtassi ogni sira
nun beddu mazzu di sciuri

si tu fussitu fimmina
e jiu forra u to zitu
forrutu la cosa cchiù
bedda do criatu

se jiu fussi o tò postu
e mi vinissutu vicinu
jiu mi sintissi tronfiu
comu nun re divinu

avissi pi tia sulu
tutti li me carizzi
li vasateddi duci
pi li to biddizzi

tutti li santi jiorna
binidicissi Diu
ca mi desi la fimmina
di lu me disiu

nveci sugnu pi tia
sulu e sempri n'amanti,
bona sulu pi dariti
tanti beddi mumenti

Ma jiu sugnu na fimmina,
e c'haiu nun ciriveddu
anchi se pi tia e spurtusatu
comu nun criveddu

dici si la me vita,
ma nun cuntu mai nenti
quannu sugnu ccu tia
mi sentu trasparenti.

Fai chiddu ca vuoi,
veni quannu vuoi
di chiddu ca mi succedi
nun tinn'importa mai.

Arrivi cca e ti spogghi,
stai cu mia du uri,
t'acchiani li tò causi,
e finiu l'arduri.

Lu sai, chi ti dicu?
Ca ora sugnu stanca.
Pi mia nun si cchiù nuddu,
va duna li to scianca.
maria agrippina amantia

MENTI RIVULTUSA di Maria Agrippina Amantia

MENTI RIVULTUSA

Si fimmina, ta stari chiusa!
ma jiu nun la sintia giusta
chista scusa!

Chista è strata ca nun spunta!
ta stari zitta e ferma,
pezzu di rivultusa!

jiu ccu la testa dura di carusa
m'impuntava e facia sempiri,
a figghia mpignusa.

Pigghiti augghia e dijtala,
minti toppi, cusi linzola,
sempri cu dda litania,
matina e sira, tutti contra a mia.

JIu quannu crisciu,
fazzu vintun'annu
sula minni fuiju
ppi lu munnu!

M'arriva n'a ngiafarata!,
manu e cincu jita di me nanna,
na facci stampata!

Chissa è strata ca nun spunta!
leviti i pantaluna, fai l'educata
allonga sta gonna,
nun pigghiari mala strata!

Tu si fimmina, certi cosi,
nun li pò fari,
lu masculu cumanna
tu sutta c'ha stari!

Pirchi? chi c'hannu li masculi
superchiu di mia?
mintitimi alla prova,
ca vi rumpu l'ova!

Silenziu,ta stari! ca ni disonuri
lu dicu a to patri, ca ssa mennula
nun ti voli quagghiari!

Riuordati ca si renni cuntu
sempiri,prima alli genti,
poi,o Padruni di lu munnu.

Mai! jiu lu sacciu,
ca chiddu ca fazzu, nun è piccatu!
pirchì se sugnu fimmina,
hajiu jiditu isatu?

Haiu l'occhi ppi taliari,
a ucca ppi parrari,
u me ciriveddu fazzu funziunari.

Passarru l'anni,fici rivoluzioni,
misi li sciuri dintra li cannuni,
m'alluntanai di l'ipocrisia,
scrivu d'amuri e di puisia

maria agrippina amantia

A LAVATRICI di Maurizio Catania

A LAVATRICI

Nchianava li scalini la muggheri
mpunuta ccu li borsi di la spisa
mentri u maritu stannu di d'arreri
vardava di luntanu la sò sposa

Gioia non ti si pó chiù taliari
quannu ti canuscii eri n'attrici!
ma comu ti putisti cumminari?
quatrata comu a nostra lavatrici?

A sira, mentri stava nta lu lettu
si ntisi lu maritu avvicinari
ci si stricava ca pareva ngnattu
e idda ca capiu li sò vuliri...

Ci dissi:
Ma ppi stu pannuzzeddu niciulinu
chi penzi ca t'attaccu a lavatrici?
Ascuta a mia: o lavatillu a manu
li panni ca iù lavu, su d'autra speci!

di Maurizio Catania