VOGGHIU RISTARI SULA Gaetano Raneri

VOGGHIU RISTARI SULA…

No..! Non mi spinna affattu nu maritu…!
Cû nuddu jò ci cchianu sû l’altari…
Mi dedicu sultantu o’ travagghiari
Lu me orgogliu jè tantu feritu…

Cû n’omu c’eni sulu di pinari…!
È bonu sulu quannu faci ‘u zitu…
Ma ‘n tempu nenti jeni dissapitu…
e perdi ‘a mircanzia e li dinari….

Ora m’inchiudu ‘a porta e mi rizzettu
non haju la primura ‘i cucinari…
…ma quantu jeni ranni stu me lettu….!

Non sacciu chi prugramma taliari…
…mi manca la carizza , lu so affettu…
Mi veni menu ‘a vogghia di campari….

21 ottobre 2015 Tano Raneri