LA CHIARIA DDO' PICURARU di Armando Carruba (sintuta da 'u Zu Minicu Cipudda)

Quannu Cristu passiava pi lu munnu, 'u picuraru ci addumannò 'na 'razia.
Dici:
- Maestru, vi pozzu dumannari 'na 'razia?
- Chi 'razia voi?
- Vulissi ca 'a sira, quannu chiovi, 'nté jurnati 'i malutempo, menzuredda ppi munciri
- Cuncessa!
E difatti 'u picuraru, quannu chiovi ppi tuttu 'u jornu, aspetta a "chiarìa" chiamata "a chiarìa ru picuraru", ca è un quartu d'ura o 'na menzuriata, o deci minuti e nun chiovi cchiù. Allura 'u picuraru ssi nni va a munciri. E havi 'a furtuna, di putiri diri ca havi a "chiarìa" a sò vuliri, e si chiama "a chiarìa ru picuraru".