FIMMINI SICILIANI di Michelangelo Balistreri

FIMMINI SICILIANI

Ccu vostru chiantu inchistiru lu mari
cu' la prijera pittastiru lu cielu
e ricamannu li pinsera ‘ntra lu cori
a la Sicilia arrialastiru l’amuri.
Manu ca' strinciunu manu
e abbattunu mura,
vuci ca' chianciunu 'u distinu
e cummogghiunu dulura
e occhi ca' talianu figghi
scappari luntanu comu cunigghi.
Facci stanchi
supra ‘na valanza
comu linzola jianchi
chini di spiranza
ca' quannu agghiorna
salutanu la morti,
e pittanu lu suli
inchinu lu mari.
E quannu è notti
parranu 'o Signuri
e ancora ci dumannanu picchi?

di Michelangelo Balistreri