A ME' MUGGHIERI di Salvatore Di Pietro voce Agostino La Fata (5a rassegna 'A TERRA MIA - SR 13 gennaio 2001

Una delicata poesia d'amore di Salvatore Di Pietro, partecipante alla quinta edizione della rassegna 'A TERRA MIA svoltasi il 13 gennaio 2001 co. il palazzo Vermexio di Siracusa.
Dicitore Agostino La Fata realizzazione video Armando Carruba.

A ME' MUGGHIERI

'Stu focu ca m'abbrucia 'ntà lu cori
trent'anni arreri 'ncuminciò a sbampari.

Tant'anni su' passati
di quannu t'ancuntraju
di quantu ju ci penzu
nun mi l'haju scurdatu

Tu, ancora carusidda,
ccu l'occhi culuri di lu mari
ccu ssa' vuccuzza comu 'na rusidda
'u cori miu facisti addumari
alleggiu alleggiu comu 'na faidda

Tant'anni su' passati
e ju sacciu,
ca semu maritati
e senza dari sazziu,
ancora su' quagghiati

'St'amuri ca mi trovu
ancora forti e vivu
a tia lu cunsacraju
davanti a Diu

T'amu, si t'amu
e t'amu ancora tantu,
nun sacciu quantu,
macari ca t'ha fattu dispirari,
di tutti i dispiaciri ca t'ha ratu,
l'amuri miu ppi tia nun è finutu,
'nfina ca lu tò cori mi cunsola
e fra cent'anni a Iddu nun si nni vola!

Salvatore Di Pietro