BEDDU DORMIRI
?u suli già cuddau
poi 'n àngilu scinnìu
e 'a campana nni sunau
mi prijamu a Diu.
E vinni san Jachinu
mi 'nnaca lu Bamminu,
e vinni san Giuvanni
mi stenni li so' panni
Dormi, dormi, Gesù miu,
tuttu 'u chianu è dù tò;
dormi, dormi, Gesù miu
ciàuru 'i menta e basilicò
Ora chi s'addurmiscìu,
'nnaca ancora san Jachinu
san Giuvanni si nni ìu;
dormi 'nchinu lu Bamminu
Lu canuzzu fa bau bau
lu hattuzzu fa ma meu
l'aciduzzu fa pi piu...
beddu dòrmiri chi fa Diu!
popolare
Nessun commento:
Posta un commento