'U 'RROLOGGIU 'I MISSINA Armando Carruba

'U 'RROLOGGIU 'I MISSINA

L'ha vistu mai

menzujornu a Missina

quannu 'u 'rrologgiu

dda' chiazza

batti dudici coppa?

'U liuni s''ncazza,

'u jaddu canta,

l'Angilu passa,

'a Madunuzza talìa,

Cristu cumpari.

Na palummedda abbola,

'a Chiesa nasci à jornu novu,

'a luna girìa,

e 'a morti buttana

ccu fauci 'n manu

ammazza 'u tempu.

Cco' friddu e cco' cauru

'a genti ddo' munnu

batti li manu

'o 'rrologgiu 'i Missina

ca cunta ogni jornu

'a vita ca curri.

Armando Carruba

L'OROLOGIO DI MESSINA - L'hai visto mai/ mezzogiorno a Messina/ quando l'orologio/ della piazza/ batte dodici colpi?/ Il leone ruggisce/ il gallo canta/ l'Angelo passa/ la Madonnina guarda/ Cristo compare/ Una colomba vola/ la Chiesa rinasce/ la luna gira/ e la morte buttana/ con la falce in mano/ uccide il tempo./ Con il freddo e con il caldo/ la gente del mondo/ batte le mani/ all'orologio di Messina/ che racconta ogni giorno/ la vita che passa.