QUANTU E' BEDDU 'U MARI Armando Carruba

QUANTU E' BEDDU 'U MARI

Sutta 'n suli liuni
stinnicchiati 'ntà rina
cca' radiu tascabbili
ascutavumu canzuni
a funtani janchi...
'U mari 'i jornu
asciucava pinzeri
'i sira scutulava
'n annu 'i travagghiu
stritti abbrazzati
E 'u cumplessu sunava
'a nostra picciuttanza
spinnuta a funtani janchi
tutti i jorna
ppe' ferii d'austu

Armando Carruba

QUANTO E' BELLO IL MARE - Sotto un sole leone/ sdraiati sulla sabbia/con la radiolina tascabile/ ascoltavamo le canzoni/ a Fontane Bianche/ Il mare di giorno/ asciugava i pensieri/ e di sera scrollava/ un anno di lavoro/ stretti abbracciati/ E il complesso suonava/ la nostra gioventù/ spesa a Fontane Bianche/ tutti i giorni/ per le ferie d'agosto.