'A tunnara 'i Santa Buonacia (comu 'a chiamavanu) ppi nuatri è Panagia, pari che è ddo' settecentu e vinni restaurata dopo 'u tirrimotu ddo' 1683. Sta tunnara, di cui c'è macari nu beddu libbru ddo' prufissuri Arturu Missina, fici attività 'nzinu 'ntà l'anni cinquanta, poi ca pesca 'o tunnu cche' "reti vulanti" e i scarichi dde' raffinerie chimiche a ficiru chiudiri e dopo 'u 1961 s'arricugghieru i pupi, tranni ppi fari autri ddu calati tra 'u 1964 e 'u 1970 ppi nun perdiri 'a licenza dda' Capitaneria 'i portu.
Nell'anni '60, nuatri picciotti jevumu a mari, l'acqua pulita un postu raru e... picciotte ca si facevanu taliari ccu l'occhi! Pigghiavumu l'autobus nummiru 16, ni firmavumu a piazza dda' Pruvincia (arrivava sinu a dda' e poi turnava) e a cavaddu 'e scarpi jevumu a' tunnara. Ognunu di nuatri aveva 'na ragazza 'ntà menti (praticamenti jerumu ziti ca u sapevumu sulu nuautri) e 'a vista dda' tunnara l'occhi jevunu circannu.. c'eranu o nun ceranu... C'eranu, c'eranu pirchì vabbeni che eranu anni '60 e non oggi comu oggi, ma mancu erunu fatti 'i ghiacciu!
Ogni tantu passava u trenu, genti dde' finistrini ca salutava e nuautri a rispunniri 'o salutu...
Nessun commento:
Posta un commento