Assira pi' 'na scognita trazzera,
mentri lu suli d'oru tracuddava
e pri l'aria spirava primavera,
addulurata e sula caminava.
Lu celu, ch'era russu a pocu a pocu
divintava viulettu e po' cchiù scruru;
li stiddi già truvavunu lu locu
'n punenti, e stralucevanu 'ntà 'n muru.
A pocu a pocu tutti si zitteru;
l'aceddi s'aggiuccaru nni lu nidu,
li cuntadini puru si nni jeru,
si sinteva sultantu quarchi gridu.
Murì lu jornu e mortu è lu me' cori
ca 'un avi a nuddu e voli lu to' amuri,
nun fari cchiù cu mia lu scattacori,
amami assai, accettalu 'stu ciuri.
Cannella Rubera - (da Voci di Sicilia di C. Messina)
Nessun commento:
Posta un commento