domenica 21 ottobre 2012

CANZONE SICILIANA

CUMMARI UNNI ITI A’ MATINATA
Versi di S. Grillo musica di Patania

Lui - Cummari unni iti a’ matinata?
Lei – E a vui ch’importa ca m’addumannati?
Lui – Lu sacciu ca ‘n m’importa sbriugnata…
Lei – Parrati cu’ creanza e nun sbagghiati !
Lui – Cu’ vui cummari nun si po’ schirzari.
L’aviti sempri ‘n pizzu miatidda!
Lei – Se l’haju ‘n pizzu vui chi n’at’affari;
ognunu nasci cu’ la propria stidda
Lui – V’aju dittu unni iti
cu li setti matinati…
Lei - A la missa, lu sapiti,
a scuntari li piccati.

Coro: Lallaralleru, lleru lleru
(donne) lu cumpareddu s’arraggia daveru
(uomini) la cummaredda s’arraggia daveru
Lallaralleru lleru llà
(donne) e la cummari cchiù apposta ci ‘u fa
(uomini) e lu compari cchiù apposta ci ‘u fa

Lui - Perciò a la missa senza sciallu iti
e vi purtati appressu la quartana?
Iu sacciu ‘nveci ca vi la sintiti
cu’ Minicu dda sutta la ciumara…
Lei – Focu di l’aria chi lena ch’aviti !
faciti peggio di ‘na curtigghiara;
lu troppu raggiunari metti siti;
tiniti a cura se vi custa cara…
Lui – Cummaredda scillirata
mi faciti dispirari…
Lei - Cumpareddu, di ‘sta strata
nun c’avissuru a passari

Coro: Lallaralleru, lleru, lleru etc.

Lui – A mia di ss’acqua frisca ‘n mi nni dati?
Lei - Nt’a ‘sta quartana vui nun ci viviti…
Lui - Lu ‘nfernu nt’a la gula mi lassati?!
Lei - Macari Diu cripassuru di siti!
Lui – Va jtavinni dunchi a la ciumara
ca cu’ lu troppu spissu iri all’acqua
lu mottu anticu dici, la quartara
finisci ca si rumpi o si ciacca…
Lui – Cu a li donni teni firi
pararisu nun ni viri
Lei - ‘Sti sentenzi ‘ccussì rari
li putiti javitari…

Coro: Lallaralleru, lleru, lleru etc.

Nessun commento: