'Sta liggenna passassi muta muta, si nun fussi ca è scritta 'nta na pareti ddo' saluni Bursillinu 'o palazzu Vermexiu.
C'eranu 'na vota ddu' picciotte beddi... ma beddi ca quannu spuntavanu iddi, 'u suli quagghiava! Vivevano vicinu u ciumi Anapu, dde' parti dda' Playa unni si lavavanu i scecchi, ppi capirini. Le picciotte callipigie, ca ppi ccu' nun ha fattu i scoli auti e studiatu 'u grecu, callipigie veni 'a diri ca havi nu beddu sfadda seggi... comu dici lei? nun 'u capìu? Scusi quannu lei va a fare visita e s'assetta chi fa? s'assetta tuccannu 'a seggia appuntu cco' la parte del corpu ca pp''ssiri educati chiamamu sfadda seggi, datu ca n'assittata oggi e nautra dumani i seggi si sfaddanu!
Due picciotte beddi beddi BEDDI accussì, e 'n jornu di suli infucatu si misinu a nuda!! Passa un picciottu e ci dissuru di giudicari ccu era a cchiù bedda! (Comu ppo' pumu ca Paride doveva dare a Afrodite, Minerva e..successi a guerra di Troia!)
Ppi Zeus, Giunoni, Afroditi e tutti i dei dell'olimpu, 'u picciottu arristò comu a chiddu ca ci la vista 'a callipigia e scoppò di tutta corsa ca mai aveva currutu tantu, ppi chiamari a so' frati.
E quannu 'u frati appurò ca tuttu chiddu ca c'aveva cuntatu era vero ci fici a dichiarazione i matrimoniu 'a biunna e so' frati - mancu veru ci parsi - si pigghiò a bruna.
Vissero tutti filici e cuntenti e nuautri cca' ca nun vistimu nenti....
Nessun commento:
Posta un commento