San Corrado di Noto (SIRACUSA)

Currau nascìu a Calendasco nel 1290. Vineva di nobili casata i Cunfaluneri, furriò l’italia ppi longu e ppi chiattu, sinu a quannu arrivò a Noto (Sarausa) e fici amicizia ccu Guglielmu Buccheri ca ci desi lenza a Currau, ‘nte “celle” un quarteri isolatu vicinu a Chiesa ddo’ Crucifissu, unni ci ristò ppi ddu anni arricugghiennu senpri cchiù devoti.
U miraculu cchiu’ famusu fu chiddu dde’ pani, ca Currau ha fattu ‘nta terribili caristia dda’ Sicilia ddo’ 1348-1349 ppi curpa dda’ peste niura. Secunnu ‘a liggenna, tutti chiddi ca si rivungevanu a iddu, nun turnavanu a casa senza un pezzu i pani cauru, impastatu direttamente dde’ manu dill’Angeli accussì si cunta e si ricunta. Currau morsi ‘nta so’ ‘rutta ‘u 19 frivaru 1351 vicinu ‘o so cunfissuri. Cuntanu ca morsi priannu in ginocchiu ccu l’occhi ‘o celu, mentre ‘na luci traseva ‘nta ‘rutta dde’ Pizzuni. Vinni misu ‘nta Chiesa ‘i San Nicolò, comu iddu vuleva. In seguito fu purtatu ‘nta Cattidrali unn’è veneratu da seculi…