BEDDU DORMIRI - Carmela Aricò

BEDDU DORMIRI

'U suli già cuddau
poi 'n ànciulu scinnìu
e 'a campana nni sunau
mi prijamu a Diu

E vinni San Ghiachinu
mi 'nnaca lu Bamminu,
e vinni San Giuvanni
mi stenni li so' panni.

Dormi, dormi, Gesù miu,
tuttu 'u chianu è du to';
dormi, dormi, Gesù miu,
ciàuru 'i menta e basilicò.

Ora chi s'addurmiscìu,
'nnaca ancora San Ghiachinu;
San Giuvanni si nni ìu;
dormi 'nchinu lu Bamminu.

Lu canuzzu fa ba bau,
lu jattuzzu fa ma meu,
l'aciduzzu fa pi pìu...
beddu dòrmiri chi fa Diu!

Carmela Aricò - Patti
da Almanaccu Sicilianu 1994