BONA JIURNATA di Maria Agrippina Amantia

Bona jiurnata a li palermitani,
Facci un vistitu, o postu do pani!

Bona jiurnata a li missinisi
Si dununu a manu che calabrisi!

Bona jurnata a li trapanisi,
Mangianu jammaru e mintunu mbrisi!

Bona jiurnata a li girgentini,
Mennuli nciuri e templi vicini.

Bona jiurnata a li nisseni,
Parrunu stritti nun si capisci beni!

Bona jiurnata a li ennesi,
Sentunu friddu pi tanti misi!

Bona jiurnata a li sarausani,
Mai si sentunu, chi cosi strani!

Bona jiurnata a li rausani,
A li pipuzzi e mulunciani!

Bona jiurnata a li catanisi,
Sutta u vulcanu ci fannu li spisi!

Bona jiurnata a sta terra mia,
Cu la canusci, poi la disia!

Mariagrippina