PALUMMA JANCA

PALUMMA JANCA

Palumma janca
ca camini ppi mari
fermati
quantu ti dicu ddu paroli,
fatti scippari 'na pinna
di ssì janchi ali
quantu scrivu 'na littra
a lu me' amuri
tutta d'amuri ci la vurrìa fari
e ppi' sigillu ci mettu lu cori
janca palumma
tu ci l'ha purtari
unni si spogghia e vesti
lu me' amuri
o ci la porti
versu l'una e menza
quannu si trova a tavula
ca mancia

(POPOLARE)