lunedì 11 marzo 2013

Come fu creata la pasta alla norma



Si cunta ca na vota u famusu artista Ancilu Muscu arrivau all'intrasatta 'nta nu risturanti catanisi fora orariu. Tutti foru cuntenti ma eranu 'nte peni pirchì nun c'era nenti di priparatu. Allura pigghiarru na pocu ri mulinciana fritta e a tagghiaru a sigaretta, poi ficiru na sarsa di pumaroru tagghiatu a pezzi, a focu lentu. Dopu na ricina i minuti ci junceru ogghiu, sali, zuccuru, agghiu e nu pizzicu di sbiezzi. Ficiru strinciri u sucu e appena i maccaruna forru cotti, l'insapureru ccu mità sarsa. 'Nto piattu ppa tavula ci misunu autra sarsa, ricotta salata rattata, a mulinciana e nu beddu pizzicu di basilicu friscu. E allura Muscu, avennu tastata a pasta e soddisfattu assai, rissi: "E' bona! Pari a Norma" e ri tannu si chiama sempri accussì

Nessun commento: