E si fici un gran prucessu, ccu giudici, cancilleri, avvucati, usceri, tistimoni e tanta genti vinuta puru di luntanu.
- Signuri, alzàtevi, trasi la Corti!...
E doppu tanti lìchiti e dissi, avvucatu di ccà e avvucatu di ddà, giudici 'i populu e prisidenti, 'u primu, 'u secunnu, 'u tersu testimoni e 'n autru e 'n àutru ancora (cu' sapi quantu ca si pirdìu 'u cuntu!), all'ultimu si truvaru tutti in gran cunfusioni, e nun sapennu cchiù chi fari, unu dda' genti si fici a séntiri e dissi:
-Signor Prisidenti, ccà cci voli 'u mortu!
E fu purtatu 'u mortu in tribunali, e puru fu interrogatu.
- Dicitini, mortu, comu fu ca...?
'U mortu nun rispunneva; e 'u Prisidenti 'ncavulatu si vota versu 'u cancilleri, e dici:
-Scrivete a verbale: "Interrogato, il morto non risponde!"
Nessun commento:
Posta un commento