lunedì 3 novembre 2014

'NTA 'STU SCURU 'I NOTTI di Nicolò Fagnani

'NTA 'STU SCURU 'I NOTTI


Pupu, chi fai ora
ca mortu 'u puparu,
jttatu 'nta 'na gnuni,
chinu di pruvulazzu?
Angelica è ddà cu tia
e mori 'i friddu.
Strazzatu è 'u tiluni
ciaccata 'a ciaramita.
Comu faciti ora
suli, suli?
Cu vi li tira 'i lazza?
cu' vi dugna ciatu?
cu' vi dugna cori?
Ma Diu è 'ranni
'nta 'stu scuru 'i notti
'a luna v'accarizza
ca so' malincunia.

Nicolò Fagnani

Nessun commento: