martedì 4 novembre 2014

SICILIA MIA di Maria Agrippina Amantia

SICILIA MIA
chistu è lu cantu miu chinu 
d'amuri
ppi la me terra sempri china 
e suli
pi chista terra circuntata 
di lu mari
ca notte e jiornu a vasa 
e s'a pussedi 
tu nu sai nenti di li so 
culuri
de so muntagni virdi, e de 
sò sciuri
di li zagari e di li so 
jiardini
de limiuna, di l'aranci e 
ficurini
tu nun sai di la sò forma 
triangulari
e di ogni latu ch'è 
particulari
de voti talii e ci su sulu 
scugghieri
petri puntuti comu li 
pugnali
poi t'alluntani sulu na 
t'anticchia
e rapi la ucca ppi la 
meravigghia
vidi distisi ranni di la 
rina
de voti jianca e de voti 
a pitrina
e de so ricchizzi ora ti vogghiu 
parrari
di lu frumento di racina e 
pumadori
di mennuli, fastuchi e 
di l'alivi
di li cakì, pipuzzi e 
mulinciani
di l'erbi virdi ca crisciunu 
spuntanii
di finucchieddi, amaredduzzi 
e agiri
cardedda, sinapedda e borsa 
di pasturi
ca se ti mangi maritati ti fannu 
arricriari.
E di li so città ni putemu 
parrari
ricchi di monumenti e 
opiri rari
monumenti e palazzi 
riali
tistimunianzi di civiltà 
ancistrali
sunnu tarmenti tanti li 
so vanti 
ca nun m'abbastassi 
lu spaziu c'haiu davanti
ni la me terra sempri è 
primavera
russa e gialla è la sò 
bannera
russu comu lu focu do 
vulcanu
giallu comu lu nostru granu 
saracenu
SICILIA è lu nomi ca si 
porta
china d'onuri e nun è mai morta.
maria agrippina amantia

Nessun commento: