SICILIA (i morti)

'O mortu si méttunu i mégghiu vistiti, macari novi, si méttunu puru i scarpi; chì 'na vota i scarpara facevanu i scarpi 'i mortu: 'ntacciuddati, 'incuddati e non cusuti, e invece 'i sola cci mittevunu cartuni...  A Sarausa 'i vinnevunu 'nta carrettu 'o mircatu in Ortigia. I scarpi 'i mortu, novi novi, custavunu picca!

'O mortu, 'n tempu, si mittevunu dinari 'ntò tabbutu; aveva 'a pajari 'u passaggiu dill'anima so'.