AMURI UCRONICO di Maria Agrippina Amantia

AMURI UCRONICU

i stiddi mi l'avevanu pridittu
nun ti fidari mai di iddu
u sai che maritatu, nun è rittu
c'avi famigghia è amuri malidittu
ma jiu curnuta e testa dura
ci cascajiu,
na li so vrazza l'amuri ci truvajiu
ma prestu prestu poi minn'addunajiu
ca sulu jiu davveru m'innamurajiu
Mi vasava e m'abbrazzava comu se m'adurava
ma lu so cori nun p'appartinieva
poi nu jiornu quannu si stancò
comu nun limiuni sprimutu mi lassò
li larmi de me occhi scinnierru cupiusi
a mme stissa mi parsiru pietusi
e menu mali ca tuttu chistu nun è veru
ca ti mannassi a fari ntridici daveru
sugnu nu spiritu libiru e m'inni vantu
a vita mia è, senza rimpiantu
nun appartiegnu a nuddu e nun mi scantu
se vuogghiu amuri, mu pigghiu
e poi lu lassu,
prima ca tu lu cori miu lu renni afflittu
jiu subitu di tia minn'arrassu
la libirtà è la me sula amanti
e idda si, u me cori l'avi tuttu quantu!
maria agrippina amantia