domenica 4 gennaio 2015

FIMMINI - Vigo - raccolta amplissima

FIMMINI

Sunu li fimmini
lu me' stravìu
quantu ndi viju
ju l'amirò.
Tutti mi piacinu,
ccu tutti scialu,
mi pari malu
diricci no.
La donna sazzia,
trugghia e robusta,
cchiù megghiu agusta
si friddu fa.
Si poi su' agili,
dilicatini,
tenniri e fini,
ssù ppi l'està.
Si sunnu nobili,
ch'hannu sfrazzettu,
ju mi c'apprettu
pri dirmi sì.
Si poi ssù fimmini
di cetu bassu,
ci pigghiu spassu
cchiù megghiu ssù.
Si ssù chi parranu
pochi paroli,
di veru cori
ju l'amirò.
Puru la chiacchiara
non mi dispiaci,
si parra taci
non curu no.
O bianchi o niuri,
o pallidetti,
si ssù brunetti
piaciunu cchiù.
O vecchio o giuvini
o beddi o brutti
Ju l'amu tutti
comu sù sù.

Nessun commento: