PRUPOSTA SDISINTERESSATA di Giuseppe Denaro

PRUPOSTA SDISINTIRISSATA

Una signura bedda e giniali
purtava 'nvrazza lu sò nicareddu,
'na criatura assai celestiali,
occhi azzurri, rizzutu, un angileddu.
Di frunti a tali quadru ecceziunali,
dissi a la matri un omu affruntuseddu:
- Sì ju ci mettu li materiali
lei mi lu fa' un figghiuzzu accussì beddu?

Turneddu (Peppino Denaro)