L'arvulu do' limuni 'u purtaru l'arabi in Sicilia 'ntò x seculu. L'Italia, ma ppà pricisioni 'a Sicilia, si trova 'o primu postu 'ntà produzioni mundiali ccu 7,75 miliuna di quintali; 'o secunnu postu l'America ccu 7,65 e terza l'India ccu 4,50 mentri tutti l'autri paisi ni produciunu accussì picca ca nun passanu e nun cuntanu.
'U limuni si pò diri ca è 'u simbulu dda' Sicilia, Luigi Pirandello nell'attu unicu Lumie di Sicilia i metti in primu pianu 'nté manu ddo' protagonista Micucciu Bonavinu, ca pajò macari 'u daziu ppi purtalli a Roma e rialarli a 'na carusa ca 'na vota c'insegnava cantu.
E quannu s'adduna, ca a picciotta ha persu ddi valuri siciliani scurdannusi ddo' paisi unni nascìu, ci duna a za Marta e nesci dda' vita dell'ex alunna che a Roma ha avuto successo.
'A cugghiuta dde' limuna, comu chidda d'aranci, è faticusa, ma quannu si travagghiu in cuntintizza tuttu passa, nun si dici forsi gente allegra Dio l'aiuta?
Nessun commento:
Posta un commento