AMURI VERU di Maria Bugliarisi - voce recitante Armando Carruba

AMURI VERU

Ti pienzu quannu u mari
è na cuperta ri sita
ricamata ro suli.
Quannu ‘nto cielu a luna
mi fa menza risata.
Ti pienzu e pienzu quannu ‘nto cori
mi mittisti u fuocu ca si ciama amuri.
Sintimientu ranni
pi na parola nica.
Amuri scrittu ne mura re casi,
ne petri lavati re lacrimi.
Amuri ranni ca nun finisci mai.
E poi ti pienzu quannu spunta u suli
e quannu tramunta e mi saluta stancu.
Ti pienzu e ti viru terra mia,
biniritta ri l’acqua ro mari,
vasata ro suli.
U vientu ti naca pianu pianu
E a manu mia t’accarizza… e scrivi.
©
Maria Bugliarisi