Giorgio Guarnaccia ha tratteggiato quello che è il tema del Concorso poetico RISPETTO, PERDONO E SPERANZA le poesie contenute - per chi volesse partecipare - entro le 28 righe devono pervenire alla CISL aretusea entro fine mese.
Nel mio intervento ho presentato un mix di cinque mie poesie, arricchite dalla prima strofa del canto siciliano VURRIA SAPIRI (all'inizio) e la strofa finale (alla fine) di VITTI 'NA CROZZA. Le cinque poesie parlano 1 dell'amore di un ragazzo che invita la sua lei ad uscire allo scoperto, 2 l'amore degli amanti, 3 un amore non corrisposto 4 un amore ritrovato 5 un amore che avrà un tragico epilogo, di seguito il testo:
Vurria sapiri cu fici lu munnu
ca cu lu fici lu seppi ben fari
fici lu suli cu lu circu tunnu
fici la luna cu lu fari e sfari
Fici lu mari ca è senza funnu
fici la varca ppi lu navigari
Haju furriatu tri voti lu munnu
beddi comu a tia nun haju vistu mai
Stanotti la luna
non si voli curcari
splinnennu 'ntò celu
taliannu lu mari
parra d'amuri
a ccu voli ascutari
Veni ccu mia
a taliari la luna
ca forsi stasira
ni porta furtuna
Veni ccu mia
facciuzza bedda
di 'sta vanedda
'a me' luna ssì tu
Amuri miu
isa l'occhi
talìa 'i stiddi
e tu notti
curri supra 'u mari
ca trema
di luci 'mbrachi
Sapiri di 'ssiri stiddi
ddu poviri pazzi
menzu li strati
chini di genti
e nun pinzari
a nenti
Stanotti lu sonnu
non pigghia
'U pinzeru
cadi...si susi
camina zuppiannu
'ntò scuru ddà vita
comu mari
ca muzzica scogghiu
'A to' vuci 'ntisi?
o lamentu
di ventu 'nnamurratu
ca non sta ascutari
'nta' 'sta notti janca
paroli d'amuri
e jucannu
sciuscia e tacchìa
'N amuri ca torna e ti fa trimari
è cchiù beddu ddò suli ca vasa u mari
cchiù duci 'i 'na cantata 'i passareddi
pirchì 'mbriaca nun capisci nenti
'N amuri ca torna è granni festa
comu 'na varca sarvata dda' timpesta
cchi gioia 'o cori chi gran ristoru
non s'accatta mancu a pisu d'oru
'N amuri ca torna non si ppo' cuntari
non c'è pinna ca è capaci di diri
tuttu 'u caluri ddo' tò fuculari
mancanu i paroli l'ha pruvari
Amuri ca di notti chianci e ti lamenti
e riri quannu tu ssì a mia davanti
Amuri ca pensi sempri a mia
lottannu ccu forza 'sta malatia
Amuri ca non cridi a 'sta sintenza
scusa si t'haju fattu ocche mancanza
Amuri tu si vita gioia filicitati
e intantu 'a me' vita finisci e ssi nni va
C'è nu jardinu menzu lu mari
tuttu 'ntissutu di rosi e di ciuri
tutti i ciccì ci vanu a cantari
macari i sireni ci fanu l'amuri
Armando Carruba
(tranne la prima e l'ultima strofa, dai canti siciliani VURRIA SAPIRI e VITTI 'NA CROZZA)
Nessun commento:
Posta un commento