'U tempu...
'u nostru tempu,
si firmò 'o Molu,
tra 'i Carcari
puzzu 'ngignieri
e villini.
Nuautri, picciotti
ddo' Molu S. Antoniu,
patruni ddo' munnu
cche' sacchetti sfunnati.
Ballavumu 'a tarantella
'ntà munnu di pupi,
rirennu a la vita
'a ducizza
dei nostri anni.
17 maju ddò '90
tti nni jisti
senza un pirchì,
ppi comu e ppi quannu.
Tti nni jisti
picciottu ddo' Molu
comu Angilu, Turuzzu,
Timmy, Petru e macari
Pippu.
Arresta 'a tò risata
supra 'u cantaranu
e 'stu ciuri ppi cunsolu.
Ti vogghiu beni
frati miu.
Armando
Nessun commento:
Posta un commento