TUTTU, GRAZII A DIU di Antonino Bulla

TUTTU, GRAZII A DIU

La terra
ch'avi tuttu, beddu e bruttu,
dici grazii a Diu,
pirchì sulu ppi Diu pussedi tuttu.

Lu mari,
ca si movi, e fermu è tuttu,
dici grazii a Diu,
pirchì sulu ppi Diu, ribbatti 'ncuttu.

Lu suli,
ca è luci, è focu asciuttu,
dici grazii a Diu,
pirchì sulu ppi Diu 'llumina tuttu.

Lu celu
cu la luna e stiddi è tuttu:
diciunu grazii a Diu
pirchì sulu ppi Diu nenti è distruttu.

E l'omu,
ca di fangu mancia fruttu
quasi nun cridi a Diu,
ch'è tuttu supra tuttu, e duna tuttu.

Antonino Bulla