'A DIA VENIRI di Micio Tempio

LA DIA VENIRI

... di luntanu a passu lentu
la billissima Veniri cumpari;
ca nuda e sula pri li larghi strati
va cucchiennu lu friscu ppi la stati.
Nun avìa chinnici anni; la frischizza
di 'ddi carnuzzi aggraziati e bianchi
accumpagnava la dilicatizza
di lu morbidu pettu e di li cianchi.
Tuttu era in jdda grazia e biddizza;
beddi l'occhi, la vucca, e beddi l'anchi,
bedda 'dda cosa unni si nesci e trasi.
Tinti a pinneddu parianu li natichi,
tunni, duri, citrigni e sapuriti;
stavuvu tutti a taliarla estatichi,
ca muveva l'arrittu a li rimiti,
aveva l'occhi vivuli e simpatichi,
'dd'occhi unn'era d'amuri la riti;
'dd'occhi capaci, cu' 'na taliata,
di squagghiari la nivi e la jlata.
Lu nasiddu parìa cira c'adduma,
la vucca, si la guardi, tu ni spinni;
li masciddi chiù bianchi di la scuma;
drittu lu coddu aggrazziatu scinni;
'ntra lu pittuzzu poi, comu du' puma
janchi e tunni spurgevunu du minni;
li cosci su', di lu chiù espertu mastru,
du' culonni perfetti di albastru.

Micio Tempio