venerdì 10 aprile 2015

PRIMA LA ME' TERRA di Maria Agrippina Amantia





PRIMA LA ME TERRA
Cu sti versi vogghiu dicantari,
li biddizzi di la me terra tutti pari.
Fari luci su li prigiudizi,
ca li pirsuni gnuranti n'hanna carricari
La Sicilia cari li me cumpari,
ha statu sempri prima na lu so fari.
Dicitimi na cosa, u sapiti vuatri,
ca lu sapuni e l'igieni persunali,
ci l'insignammu nuatri a li rumani?
N'a s'occasioni ci ficimu canusciri
puri l'ura solari! (catania 263 A.C.)
Poi nun parramu di mangiari,
li nostri pietanzi, parrunu di suli.
La nostra cucina nun havi eguali,
fu n'un sicilianu, di li ricetti,
lu primu scritturi (Archestrato di Gela IV sec a.c.)
Nostri li ciriveddi cchiù capaci,
scritturi,pueti, filusufi, scienziati,
La ligislazioni, ni vulissimu scurdari?
vistu ca n'Sicilia, lu primu parlamentu ,
sappi a furmari?(1097 Mazara del Vallo)
Lu sciopiru di li panittieri,
rivendicazioni salariali a Palermu
si potturu fari (Palermo 1820)
Li fimmini siciliane,si ficiru ammirari,
cu li bikini, puri li sport sappiru paraticari.
(Villa del Casale, Piazza Armerina)
Nun mi parrati di mafia ppi fauri,
chista dilinguenza ha sempri statu,
di quannu Diu fici lu criatu.
C'è a tutti banni, n'a tutti li stati,
cancia lu nomi, nun vi lu scurdati!
L'urtima cosa vi vogghiu diri,
c'ancora cinn'avissi d'elencari.
Se di biddizzi di SICILIA,
vi vuliti accirtari,
viniti !
sulu idda, vi fà n'ammurari.

maria agrippina amantia

Nessun commento: