Lamento per Lele Scieri
Figghiu,
e chi eritu
'n cunigghiu!
T'ammazzanu
e ti scutulianu
comu nenti,
lu prucessu è archiviatu.
Figghiu,
ti vinni lu pitittu ri satari
tantu pi jucari,
'n c'è nenti ri mali,
lu prucessu è archiviatu.
Patreternu,
chista è la giustizia!
abbannunatu nun fu circatu,
cusuzzi 'i nenti,
lu prucessu è archiviatu.
Patreternu,
si, ci siemu abituati
mafia rintra e mafia fora,
a tu ci ha pinsari,
lu prucessu è archiviatu.
Nunzia Loligato
Nessun commento:
Posta un commento