TEMPI CHE FURONO O ANCHE ADESSO ? di Santo Grasso

TEMPI CHE FURONO O ANCHE ADESSO?

“Lu vattìu”

– Figghiuzzi me’ cuntàmili sta genti
pi lu vattìu di l’urtima arrivata!
– Mamà, ‘nvitamu sulu li parenti?
– Carmè, ci fussi… chidda ‘nfacci ‘a strata.

– Gna Rusulìa? Dda lingua di sirpenti?
– Tantu pi diri, và… facci lavata!
– Diu mi ni scanza! Nun ci dicu nenti!
– Ci và to soru Pina… ch’è littrata.

Pina! – ‘U ‘ntisi mà, lassa fari a mia!
– Ma comu ci lu dici ch’è ‘nvitata
và…pi lu vattiu, a la gnà Rusulìa?

– Mi dissi me matri… scanzatini Diu!
Macari sulu pi facci lavata,
ci fa l’invitu pi vèniri o vattìu!

tribàLe