Artigiano autodidatta, poeta dialettale, prolifico e istintivo. 'MPEZZU I STORIA RA' BBUGGATA è una melodia da cantastorie, la spontaneità del dilettante. Sono quartine intervallate da ritmi binari irregolari, tutti nell'aura dell'antica "siracusanità", impersonata dal vecchio bottegaio della borgata.
'MPEZZU I STORIA RA' BBUGGATA
Stamatina 'nta la testa
ma bbinutu na pinsata
ri parrari nauttra vota
ri li cosi ra bbuggata
Ri ddu tempu ommai luntanu
ri Bottaru Lucianu
ddà ni iddu ccera tuttu:
ro fummaggii a lu prosciuttu
sempri rarreri a lu vancuni
tira fillata e ppruvuluni
Era di tutti canusciutu
e macari ben vulutu
era precisu ttroppu onestu
'nta lu pisu e 'nta lu rrestu
Chista è storia ddà bbuggata
ttra fummaggi ssuppizzata
Tuttu ccera in quantità
e ppi gghiunta i qualità
ro reggianu pammiggianu
o salami di Milanu
U suffareddu pi la bbraci
e lu lignu sapunaci
i pastigghi 'nta lu saccu
e li favi pi lu maccu
Ri l'alivi già cunzati
a l'aregni affumicati
a scagghiola a cannausa
e ppe' 'mpacchi la linusa
U pinninu po' scularu
'nta la vasca u bbaccalaru
E ttrasennu a mmanu manca
a statia cu la sdanga
pi ppisari sia li sacchi
ca la merci 'nta li pacchi
Su rrivoddi ri na vota
pi la ggenti ra bbuggata
M'arrivoddu chiaru chiaru
ccera a pasta i Cunigghiaru
ora chista nu ncè cchiù
'nta li pacchi i catta blu
Tagghiarina senza bbucu
e lu strattu pi lu sucu
tutta rroba ginuina
era ntigina a farina
E picchì vu rrivuddati
li manuzzi 'nciminati
macari ccera la cannedda
era chidda a cannuledda
Ccera a pomici u lisciuni
lu rruccheddu li bbuttuni
po bbisognu ra sattina
filu ugghia e fittuccina
Ccera u zzuccuru 'nto saccu
e a quattretti nta lu paccu
fasola ciciri linticchia
e la mennula già spicchia
Ccera tuttu mmancava nenti
po bbisognu di lagenti
Macari a pasta smunuzzata
pi la ggenti mmalannata
Tuttu ccera era furnitu
sia ri l'ogghiu ca ra r'acitu
na vittrina va rava 'nchianu
a gran fforma i pammiggianu
Ccera essenza pe licori
e ppilati i pumarori
la so macca era Le Belli,
la pumata ammeci Bbrilli
Ccera u scagghiu la canigghia
pi la matri ri famigghia
na ddi tempi pillirini
tutti avevamu i jaddini
E ppò tipu rraffinatu
lu fummaggiu già rattatu
Ccera u vinu ri bbudduni
ri Marotta lu sapuni
tuttu ccera mmancava nenti
pò bbisognu ri la ggenti
Era gentili era alla manu
co cavaleri e cco viddanu
E rrivoddu assai luntanu
ri Bottaru Lucianu
tuttu chistu nun c'è cchiù
e ddi 'n tempu, 'n tempu ca fu
Pippo BARBAGALLO
Nessun commento:
Posta un commento