NEU del Meli

LU NEU

Tu filici, tu biatu,
'nzoccu sì, purrettu o neu!
'Ntra ssu pettu dilicatu
oh putissi staricc'eu!
'Ntra ssi nivi ancora intatti
comu sedi, comu spicchi!
Ah! lu cori già mi sbatti;
fa la gula 'nnicchi-nnicchi.
Di lu coddu a li confini
si' 'na guardia vigilanti,
pri li vaghi dui furtini
di la piazza cchiù impurtanti.
Ah! si mai pigghiannu a scanciu,
o pri audacia singulari,
qualchi manu fa lu granciu,
facci tu terra-trimari;
ma quann'eu poi m'ammaraggiu
e l'albitriu mi manca,
fammi qualchi bon passaggiu;
cu l'amici vaja franca

Meli