lu ventu a tempu fa beni e fa dannu
lu suli sempri spunta jancu e vrunnu,
la luna vecchia e nova va giriannu;
ci su' tutti elementi 'ntra 'stu munnu,
c'è fogghi, ciuri e frutti annu pri annu;
ma è comu 'na rota, e vota tunnu,
cui gaudi, e cui campa suspirannu.
Lu munnu è fattu cu' ridi e cu' chianci,
cu' cadi a funnu, e cu' tantu si spinci,
cu 'ntra tanti ricchizzi curma e pranci,
cu' pri la fami la ventri si strinci;
tu li rrazzi senz'ogghiu ti li manci,
e n'autru sdinga li purpetti e sfinci,
'ntra lu munnu cutugna comu aranci,
cu' vidi cosi storti, megghiu finci.
L. Vigo: Raccolta Amplissima
Nessun commento:
Posta un commento