BOLLI DI SAPUNI di Mario Scamardo

BOLLI DI SAPUNI

Ciusciasti[1] cu tuttu lu ciatu[2]

‘nta nna cannuzza di frasca[3],

vinni fora un palluncinu

c’avia li culura di la paci.

Nna bolla, nna bolla di sapuni

Ca s’alluntanau, vulau, scuppiau…

E poi, unu appressu all’avutru[4]

Centu, milli, dumila palloncini

Tutti culurati, tutti tunni[5]

Comu l’ucchiuzzi tò,

e tu cu li masciddi[6] unci[7]

a ciusciari, a ciusciari

finu c’arristasti senza ciatu…[8]

Sai… su tant’anni

ca eu nun ciusciu cchiù,

mi l’avia quasi scurdatu…

Ora, ‘nta ssi bolli

Viu li jorna mei chi su vulati,

scuppiati, unu doppu all’avutru,

purtati via di lu ventu…

Mario Scamardo