Ammatula ti sforzi e t'assuttigghi
pri consirvari lu to' bonu nomu,
tu fai purtusa ed autru fa cavigghi,
nuddu ci cridi cchiù a lu galantomu.
Non c'è diversità tra patri e figghi
e 'n omu vali quantu a 'n autru omu,
li picciotti non volunu cunsigghi,
nasciunu dotti e non si sapi comu.
Lu mircanti li sordi no li vidi
pri accattari cavaddi; e a la scadenza
chiovunu li prutesti e si ni ridi.
Si ni nesci cu' un fausu fallimentu
ed é chiamatu 'n omu di cuscenza
si appena duna lu quattru pri centu!
Agatino Perrotta (Cervantes)
I GIOVANOTTI NON VOGLIONO CONSIGLI, NASCONO DOTTI.
Invano tu ti sforzi e t'assottigli per conservare integro il tuo nome, tu fai pertugi ed altri fa gl'imbrogli, e nessuno più crede a un galantuomo. Non c'è diversità tra padre e figli, un uomo vale quanto un altro uomo, i giovanotti non vogliono consigli, nascono dotti e sanno ogni tomo. Il mercante i soldi non li vede per comprare i cavalli: alla scadenza piovono i protesti e se ne ride. Poi se ne esce con un fallimento ed è chiamato uomo di coscienza se presta appena al quattro per cento.
Nessun commento:
Posta un commento