venerdì 13 gennaio 2017

A 'NFRUENZA di Nino Martoglio

video
A 'NFRUENZA

- E chi sacciu, cummari Pruvirenza!...
Ju sempri dicu, 'ntra la me' 'gnuranza,
ca siddu non facemu pinitenza
muremu tutti, nobili e mastranza!...

L'èbbichi su' canciati!... La 'mprudenza
di l'omu è tali ca non c'è spiranza
di sarvarini l'arma e la cuscenza...
E paradisu nuddu, chiù nn'accanza!

A 'dd'èbbica chi c'era 'sta 'nfruenza,
e chi c'era - parrannu ccu crianza -
'stu corpu sempri sciotu, 'n pirmanenza?

Chista è manu di Diu ca non si scanza!...
E vui, bellu, parrannu 'n cunfidenza,
macari l'âti fattu, ôcche mancanza!...

Nino Martoglio

Note. - 'A nfruenza (l'influenza) - Chi sacciu (che so) - Siddu (se) - L'èbbichi (le epoche, i tempi) -
Nuddu (nessuno) - Accanza (da accanzari: ottenere conseguire) - Sciotu (sciolto) - Ãti (avete) -
Õcche (qualche).

Nessun commento: