CUI CERCA MEGGHIU PEJU TROVA
Lu cani pri la carni lassa l'ossu
pirchì la carni chiù di l'ossu 'ngrassa,
e si lu sceccu trova l'erva grossa
chiù non si pasci di l'irbuzza bassa.
Pri lu riccu lu poviru si lassa,
e l'omu, di la nascita a la fossa
sempri è lu stissu e, puru ca lu spossa,
cancia sempri la sicca pri la grassa.
Ma si cancia la vecchia pri la nova
sempri si penti e sceccu si cunfessa,
pirchì "cui cerca megghu peju trova!".
Eppuru 'ntrà stu canciu si ci spassa:
"Unni maggiuri c'è minuri cessa"
dissi lu puddicinu 'ntrà la nassa!
Cervantes (Perrotta)
CHI MEGLIO CERCA PEGGIO TROVA - Il cane per la carne lascia l'osso, perchè la carne più dell'osso ingrassa, e se l'asino trova l'erba grossa più non si pasce dell'erbetta bassa. Per il ricco il povero s'abbassa, e l'uomo dalla nascita alla fossa sempre è lo stesso, sia pur che si spossa cambia sempre la secca per la grassa. Ma, se cambia la vecchia con la nuova, sempre si pente e sciocco si confessa, perchè "chi meglio cerca peggio trova". Eppure a fare scambio egli si ci spassa: "Dove maggiore c'è minore cessa", disse il pulcino nella gabbia-nassa.
Nessun commento:
Posta un commento