Quann'era picciriddu, mi cuntavanu i 'na fimmina ca ppi strata 'i campagna truvò 'na vipira china 'i friddu.... "Mischinedda" dissi e si la purtau 'ntò sò pettu, e quannu la "mischina" si cauriò, ci scjiu tutta a natura sò e muzzicau 'sta povira fimmina ca murìu...
'Nta vita ci sunu, 'sta genti, canusciu 'na fimminedda ca si fingi - miatidda - duci chiossai ddo' zuccuru, amurusa, ginirusa .... primurusa ca quannu t'incontra ti dici: "Comu stai? m'haju prioccupatu ppi tia!" (vidi chi sdilliziu) e tu l'ha cauriatu e cuntinui ccu tantu amuri, chiacchiri persi 'a vipira è sempri vipira e nun cancia mai, ccu tutti l'aforismi ca posta... ti canusciu tempu persu... vipira è .... e vipira arresta ...
Ma comu dissi 'u zù Toni ... cca' sutta nun ci chiovi!
Nessun commento:
Posta un commento