lunedì 8 giugno 2015

CARO AMICO TI SCRIVO.... armando carruba

Bona jurnata amici cari, sia a chiddi ca nni canuscemu e macari a chiddi ca nun n'hama vistu mai e mai penzu nni videmu, ma che nni vulemu bene comu si nni canuscissimu di nichi.
Tutti avemu 'a matina i nostri abbitudini, ju mi susu priparu u latti, 'u caffè, i fetti biscuttati i pinnuli (stannu attentu a nun sbagghiari e mettiri chiddi ddo' matinu) e all'urtimu addumari la TV e sentiri i nutizie frischi frischi di jurnata comu ova 'sciuti ddo' culu dda' jaddina!
E chi nutiziii!!! Di chiddi c'arrobbunu a Roma e 'nta tutti i parti d'Italia, a chiddu ca invistennu dda' fimmina e mischina nun c'è cchiù è fora, etc. Ma stamatina a notizia è sempri chidda dde' clandestini, extracomunitari, libici, comu aaazzz i vulemu chiamari, ddi poveri cristi disgraziati 'ntò veru sensu dda' parola c'affrontunu a morti... ssì a MORTI ppi mari ppi putiri scappari.
Ci pinzamu un minutu sulu a cchi veni a diri moriri anniatu??? 'ssiri a mari e fari a morti ddo' surci 'nt'acqua senza putiri fari nenti di nenti anzi nenti assoluto!
Accuntu s'hanu a pigghiari, poi cu si pigghia pigghia c'hanu a pinzari i pulitici ca sunu misi dda' pirchì hanu vulutu essiri misi dda' e allura ca travagghiassunu ca da troppu tempu ssa' 'rattunu.
Nun si ppò moriri a mari 'ntò 2015 poi tutti i discursi sunu beddi e boni ma moriri a mari NO.
E a fetta biscuttata è amara, a pinnula nun cala e menzu latti 'u ietti 'ntò lavandinu...

Nessun commento: