STORIA RI 'NA CARNEFICINA
(pirsunaggi: cuccu, pipituni, carcarazza,
scravagghiu, furmiculedda)
Lu cuccu si sciarriau ccu 'n pipituni
si ràrru cciù ri milli cutiddati.
Lu cuccu ju a ciamari a li sa frati.
'Rrancàrru recimila cuccurruna
ccu cutedda e ccu pistoli parati
Lu pipituni ricia:- Mischinu 'i mia!
Lu scravagghiazzu, rarrieri a 'n taffuni,
jttava vuci a pirdunu e piatati.
Cciù ri cientu fuorru l'ammazzati,
a parti 'i zuoppi, l'uotvi e li sciancati.
La carcarazza ccu 'nu rituni
ca ja cucchiènnu la murtilitati.
La furmiculedda a 'ddinucciuni:
- 'Stutati 'stu fuocu ppi caritati!
(popolare)
Nessun commento:
Posta un commento