I PONTI
Tu vecchiu ponti da me' Sarausa,
quannu ti vidu m'arricordu cosa
ca eru picciriddu e taliava
dde' spaccazzi tò, 'u mari videva.
E dda' tistuzza misa 'nficcata
c'avissi statu tutta 'a jurnata
se me' patri ppi farimminni jiri
mi isava supra 'u curniciuni!
Chi bedda vista la me' Sarausa!
'i cca' supra tuttu nautra cosa
poi ripigghiavu a caminari
cuntentu e filici 'u me' cori!
'Ntò spiazzu 'ill'INAIL 'na matina
ci fu a baracca 'i Michilina
'na carusa 'rossa sprupurziunata
cinquanta liri ppi la so' viduta.
Ppi fari accattari u bigliettu
ddi 'n purtusu mustrava 'u vrazzu
Michilina ristò ppi Sarausa
comu signu di 'na 'rossa carusa
E ddi faccia 'ntà l'autru piazzali
ca s'abbrucciava Re Cannaluvari,
ppi nun parrari di li catanisi
ca vinnevunu i stoffi bruciati!
Nun era veru nenti, cummircianti,
anticchia stoffa bruciata davanti
ppi 'ssiri tuttu 'nu beddu tiatru
dicevunu: magazzinu bruciatu!
Ammucca fissa ca machina passa
si soli diri; ppi ccu arripezza
la vita, e tira sempri avanti
c'è sempri 'n ponti ppi tutta a genti
Armando Carruba (31/7/2016)
I PONTI - Tu vecchio ponte della mia Siracusa/ quando ti vedo mi ricordi una cosa/ quand'ero bambino e guardavo/ e dalle feritoie il mare vedevo/ E quella testolina infilata/ sarei rimasto tutta la giornata/ se mio padre per farmene andare/ mi metteva sul corncione/ Che bella da lì Siracusa/da qua è tutta un'altra cosa/ poi riprendevo a camminare/ contento e felice il mio cuore/ Nello spiazzo dell'INAIL una mattina/ ci fu il baraccone di Michilina (era una bambina di dimensioni grandissime e per poterla vedere si pagava 50 lire, un fenomeno da baraccone. A Siracusa per molti anni rimase il detto vedendo una donna grassa "Pari Michilina!")/ una bambina grossa sproporzionata/ cinquanta lire per vederla/ Per invogliare a comprare il biglietto/ da un buco usciva il braccio/ Michelina rimase per Siracusa/ come indice di una grassa ragazza/ Di fronte nell'altro piazzale/ si bruciava Re Carnevale/ per non parlare dei catanesi/ che vendevano le stoffe bruciate/ Non erano veri commercianti/ un pò di stoffa bruciata messa in mostra/e per fare del teatro/ dicevano che al nord un magazzino s'era bruciato/ Credici stupido che la macchina se n'è andata/ si suol dire per chi rattoppa/ la vita e tira sempre avanti/ c'è sempre un ponte per tutta la gente.
Nessun commento:
Posta un commento